ទិដ្ឋភាពជាក់ស្ដែងនៃប្រតិបត្តិការផ្ទេរថ្លៃរវាងបុគ្គលទាក់ទិនក្នុងប្រទេសកម្ពុជា
Date:
June 12, 2024
Time:
៨:៣០ - ១០:៣០ ពេលព្រឹក
Venue:
Andersen in Cambodia Office
Note: All activities, publications, and events mentioned in this post were conducted under the name VDB Loi prior to our transition to Andersen in Cambodia on 18 September 2024.
សេចក្តីផ្ដើម
ការរីកចម្រើននៃសកលភាវូបនីយកម្ម បានជំរុញឱ្យមានការកើនឡើងនៃប្រតិបត្តិការសេដ្ឋកិច្ចរវាងក្រុមហ៊ុនដែលស្ថិតនៅក្រោមសម្ព័ន្ធឬការគ្រប់គ្រងតែមួយ។ ខណៈពេលដែលវាបានបើកឱកាសសេដ្ឋកិច្ចជើងមេឃដ៏គួរឱ្យកត់សម្គាល់ វាក៏បានបង្កើនការយកចិត្តទុកដាក់ពីរដ្ឋបាលសារពើពន្ធក្នុងការខិតខំធានាឱ្យមានការប្រកាសនូវប្រាក់ពន្ធប្រកបដោយតម្លាភាពពីសំណាក់អ្នកជាប់ពន្ធក្នុងប្រទេសកម្ពុជា។ ដើម្បីដោះស្រាយនូវកង្វល់ទាំងនេះ វិធាននិងនិតិវិធីសម្រាប់ចែកចំណូលនិងចំណាយក្នុងចំណោមបុគ្គលទាក់ទិននៅកម្ពុជាត្រូវបានដាក់ឱ្យអនុវត្តយ៉ាងខ្ជាប់ខ្ជួនហើយវាបានក្លាយជាចំណុចសំខាន់នៃការកិច្ចពិភាក្សារបស់យើង។
កិច្ចពិភាក្សានេះនឹងផ្តោតលើទិដ្ឋភាពជាក់ស្តែងនៃសវនកម្មផ្ទេរថ្លៃនៅកម្ពុជា រួមជាមួយនូវគន្លឹះមួយចំនួន ដើម្បីឱ្យសហគ្រាសរបស់លោកអ្នកអាចដោះស្រាយកិច្ចការនេះប្រកបដោយប្រសិទ្ធភាព។ យើងខ្ញុំនឹងចែករំលែកនូវវិធីសាស្រ្តក្នុងការរៀបចំប្រតិបត្តិការរវាងបុគ្គលទាក់ទិនរបស់លោកអ្នកដោយអនុលោមទៅនឹងបទប្បញ្ញត្តិបច្ចុប្បន្ន ហើយលោកអ្នកនឹងទទួលបានបន្ថែមទៀតនូវការបកស្រាយសមស្របតាមបែបសេដ្ឋកិច្ចជូនទៅរដ្ឋបាលសារពើពន្ធ ក្នុងករណីអាជីវកម្មរបស់លោកអ្នកជួបប្រទះការខាតបង់ផ្ទួនៗ។ ចូលរួមជាមួយយើងខ្ញុំ ដើម្បីទទួលបានការយល់ដឹងច្បាស់លាស់អំពីការដោះស្រាយបញ្ហាផ្ទេរថ្លៃរវាងបុគ្គលទាក់ទិនដែលលោកអ្នកអាចនឹងប្រឈមក្នុងសវនកម្មពន្ធដារ។
ចំណុចសំខាន់នៃកិច្ចពិភាក្សា
- តើ អ.ព.ដ បានចាត់ទុកការធ្វើសវនកម្មផ្ទេរថ្លៃជាកិច្ចការចាំបាច់ក្នុងកម្រិតណា បើប្រៀបធៀបទៅនឹងការធ្វើសវនកម្មដែលពុំមានរួមបញ្ជូលនូវប្រតិបត្តិការរវាងបុគ្គលទាក់ទិន?
- តើមានយុទ្ធសាស្ត្រអ្វីខ្លះក្នុងការបញ្ជាក់បាននូវតម្លាភាពរវាងប្រតិបត្តិការជាមួយបុគ្គលជាប់ទាក់ទិន និងប្រតិបត្តិការជាមួយបុគ្គលមិនជាប់ទាក់ទិន?
- តើកម្ចីជាមួយបុគ្គលទាក់ទិន ត្រូវប្រតិបតិ្តអោយបានត្រឹមត្រូវអ្វីខ្លះទៅតាមបទប្បញ្ញត្តិបច្ចុប្បន្ន?
- តើសហគ្រាសផលិត/អ្នកចែកចាយអាចប្រើប្រាស់របាយការណ៏ផ្ទេរថ្លៃក្នុងការគាំទ្រពន្យល់បង្ហាញពីទម្រង់មុខងារអាជីវកម្មរបស់ខ្លួនបានដោយរបៀបណា?
- តើអ្វីជាបញ្ហាប្រឈម ដែលអាចកើតមានឡើងចំពោះប្រតិបត្តិការសេវាកម្មក្នុងចំណោមសហគ្រាស សម្ព័ន្ធញ្ញាតិ? ឧ. ថ្លៃសេវាគ្រប់គ្រង ឬថ្លៃសេវាផ្សេងៗ
- តើការសិក្សាសមស្របណាមួយដែលសហគ្រាសរបស់លោកអ្នកអាចប្រើប្រាស់ដើម្បីបកស្រាយជូនរដ្ឋបាលសារពើពន្ធ ក្នុងករណីអាជីវកម្មរបស់លោកអ្នកជួបប្រទះការខាតបង់ជាច្រើនឆ្នាំ?
- តើបន្ទុកភស្តុតាងអ្វីខ្លះដែលសហគ្រាសរបស់លោកអ្នកគួរមានក្នុងការបង្ហាញបញ្ជាក់ពីភាពត្រឹមត្រូវនៃប្រតិបត្តិការរវាងបុគ្គលទាក់ទិនដែលលោកអ្នកមាន?
ចំណាំ៖ កិច្ចពិភាក្សានឹងធ្វើឡើងជាភាសាខ្មែរ
Speakers
ស៊ឹម ឡាយស៊ីម
លោកឡាយស៊ីម ជាអ្នកជំនាញប្រឹក្សាពន្ធដារដែលមានបទពិសោធន៍ជាង១៩ឆ្នាំពីបណ្តាក្រុមហ៊ុនគណនេយ្យអន្តរជាតិធំៗនៅកម្ពុជា។ លោកបានផ្តល់ការប្រឹក្សាជាច្រើនទៅលើការរៀបចំផែនការពន្ធសម្រាប់គម្រោងអចលនទ្រព្យធំៗ និងបានអនុវត្តការវាយតម្លៃពន្ធដារទៅលើគម្រោងទិញលក់របស់ក្រុមហ៊ុនធំៗជាច្រើននៅកម្ពុជា។លោកបានធ្វើការជាមួយអតិថិជនគ្រប់វិស័យ ដោយផ្តោតជាពិសេសលើវិស័យអចលនទ្រព្យនិងសេវាដឹកជញ្ជូន។
ជ្រា ច័ន្ទបូរមីណ៌
កញ្ញាបូរមីណ៌មានបទពិសោធន៍ជាច្រើនឆ្នាំក្នុងការប្រឹក្សាពន្ធដារ និង ជាអ្នកជំនាញផ្នែកផ្ទេរថ្លៃពីបណ្តាក្រុមហ៊ុនគណនេយ្យអន្តរជាតិធំៗចំនួនពីរ។ កញ្ញាបានប្រើប្រាស់ការយល់ដឹងរបស់គាត់នៅលើមូលដ្ឋានច្បាប់ បទប្បញ្ញត្តិ ដើម្បីផ្តល់ការប្រឹក្សាដល់អតិថិជនគ្រប់វិស័យ អំពីការរៀបចំផែនការពន្ធប្រកបដោយប្រសិទ្ធភាព។
Register
Sorry the event is already passed and registration is not accepted anymore. Please click here to check other events.
Event Details
Recent Publications
Recent News
Andersen in Cambodia hosted a seminar on “Cross-Border Engineering Procurement and Construction Contracts: Practical Legal and Tax Strategies”
Read More »Andersen in Cambodia hosted a highly informative and engaging seminar on “Questions on the Cambodian Taxation of International Airlines”
Read More »Andersen in Cambodia Extends Congratulations to New EDC Managing Director, Dr. Praing Chulasa
Read More »